((معنى الحب))
تعبت من الزمن روحه وجيه
ولا لي بالليالي مقدريه
يقوله من يصارع بالليالي
ولكن ذمته منها بريه
ولكني مع الشُعار شاعر
بنات الفكر تكتبها يديه
ليا مني بدعت من المعاني
عزومي قبل تبدعها قويه
ولامني نظمتك يا قصيده
انا عمّ الحروف الأبجديه
سوات الغيث من غرّ السحابه
سحابه وبلها فيه برديه
وانا ماقول انا شاعر زماني
انا اعرف مدحتي نفسي خطيه
ولا يا بنت هاك من المثايل
مثايل صاغها راعي حميه
انا من يستريح الدهر عنده
وتحسده الليالي السرمديه
فلاني مثل ابا الطيب وشعره
ولا حتى فحول الجاهليه
ولاني مثل قيس ابن الملوح
ولانتي مثل ليلى العامريه
ولاني مثل ابن لعبون ولا
كما محسن وشعر السامريه
ولكني ليا عاينت نفسي
وراني مثلهم مني وفيه
يعوّد صاحب العقال عاقل
ويرجع صاحب العيات عيه
ولا يا بنت هاك من الضماير
معاني ياكلن الكبد نيه
انا والله ما حيٍ فتني
فلا هاذي ولا هاذي وذيه
انا ظالم وانا مظلوم منكم
وانا الجاني وانا المجني عليه
كذا طبعي محاربت الليالي
ودايم بيننا نيران حيه
ألا يا بنت يا اغلى من بقلبي
يا عيد الفطر يا عيد الضحيه
أنا ما اعرف لغير الحب معنى
ولا اعرف فالغرام العنصريه
أنا ماني موخر عن ضنايه
ولو إيكون قدامي سريه
وانا ماني بتارك نور عيني
ولو يعطون فيه افيصليه
الا يا بنت لن قصدك عذابي
فنا ماشي بدرب المهمهيه
ولا يا بنت لن قصدك شقايه
فنا روحي من اسبابك شقيه
ولا يا بنت لن قصدك مماتي
فنا وصيت من بعدي وصيه
انا لن مت ودوني بساعه
ومروبي على نجد العذيه
وقولو هاك هذا من ذبحتي
ولا نبغى من الدّيات ديّه
إلك عمره هديه في حياته
وبعد الموت لك روحه هديه
ليست هناك تعليقات:
إرسال تعليق