الديره اللي شعشع بدارها نور
ودي غمام الرب يسقي دهرها
ينبت على قيعانها ورد وزهور
وتسامر انفاس الخزامى حجرها
في عقرها شيهانة تشبه الحور
كل الحلا والزين يتبع اثرها
من شفتها وقلبي على الشوق محصور
انااشهد اني مبتلي في سهرها
ريانة لو سلهمت صوب محجور
ردت عليه العقل نعمة نظرها
والجادل اللي مكتسي ثوب ديجور
لو إرتمى بصفحة ذنوبه غفرها
بنتٍ بنت في خافقي بيت وقصور
وتوسد بليل المشاعر قمرها
خلا هدبها اسود الكحل مقهور
حتى فراش الليل هام بنحرها
في مشيها سحر المخاليق منثور
ماتدري ان الموت ريحة عطرها
عن وصفها مايكفي كتاب وسطور
ولايوفي الشاعر بقايا خبرها
ياشوق لاتنهى عن الشوق مهجور
دام الشهد نام وتهادى بثغرها
احبها كل يوم من طلعت النور
حتى يصير الليل يشبه شعرها
ومن لامني في حبها قلت مجبور
ادفع حياتي درهم في مهرها
يابنت لوطال السهر فيك معذور
وذيك العيون اللي حياها نهرها
أحدٍ تنادينه ولا يلتفت ثور
وأحدٍ يبي روحه بدونك خسرها
ليست هناك تعليقات:
إرسال تعليق